لیفٹیننٹ گورنر نے تعمیر و تجدید کے بعد بخشی اسٹیڈئم کو عوام کیلئے وقف کیا

سرینگر//
مرکز کے زیر انتظام خطہ جموں کشمیر کے گرمائی دارالحکومت سرینگر میں واقع بخشی اسٹیڈیم کو جمعہ کے روز لیفٹیننٹ گورنر منوج سنہا نے افتتاح کر کے دوبارہ عوام کو وقف کیا۔
اس موقع پرخطاب کرتے ہوئے ایل جی نے کہا ’’پانچ اگست۲۰۱۹ کے بعد وادی میں کئی تبدیلیاں آئی ہیں اور اگر کھیل شعبے کی بات کریں تو انڈور اسٹیڈیم، کھیلو انڈیا مہم کے تحت بخشی اسٹیڈیم کو مزید سہولیات سے اپگریڈ کرکے دوبارہ تیار کیا گیا ہے‘‘۔
سنہا نے کہا’’کشمیر کے نوجوانوں کے لیے بخشی اسٹیڈیم ہمیشہ ایک اہم مقام رکھتا ہے کیونکہ اس میدان سے نکل کر ہی کھلاڑیوں نے اپنا نام روشن کیا۔ اپ گریڈ اور آرائش شدہ اسٹیڈیم کھیلوں سے محبت کرنے والوں کے حوالے میں کر دتا ہوں۔ یہ وزیرا عظم نریندرا مودی ہی تھے جنہوں نے اس اسٹیڈیم کو فیفا کی طرز پر بنانے کی پہل کی تھی‘‘۔
اسٹیڈیم کے مکمل ہونے پر ایل جی کا کہنا ہے ’’مجھے خوشی ہے کہ ۵۰کروڑ کی لاگت سے یہ اس اسٹیڈیم وادی کے نوجوانوں کو وقف کر دیا گیا ہے۔ میں اسپورٹس کونسل اور اس سے وابستہ تمام لوگوں کا شکر گزار ہوں‘‘۔
وہیں اسٹیڈیم کے افتتاح کے جشن کے طور پر آج میدان میں نمائشی کھیل رگبی اور فٹ بال میچ کھیلے گئے۔ جموں و کشمیر کے بہترین فٹ بال اور رگبی کھلاڑیوں نے اس کھیل میں حصہ لیا۔ جہاں آج سنہا نے اسٹیڈیم کا افتتاح کیا وہیں شائقین کی بھی بڑی تعداد دیکھے کو ملی۔
کھلاڑی کافی خوش نظر آئے۔ ان کا کہنا تھا کہ وہ کافی عرصے کے بعد اس میدان میں کھیل رہے ہیں اور اس میں موجود سہولیات ان کو بہت پسند آ رہی ہیں۔ یہ میدان فیفا اسٹیمز کی طرز پر بنا اور ہمیں امید ہے کہ یہاں بین الاقوامی میچ بھی منعقد ہوں گے۔