شنگھائی تعاون تنظیم کا اجلاس: ہند پاک وزرائے خارجہ ایک ہی میز پر

سرینگر//
پاکستان اور بھارت کے وزرائے خارجہ نے تاشقند میں شنگھائی تعاون تنظیم کے اجلاس میں شرکت کی اور دونوں ایک ہی میز پر ساتھ ساتھ بیٹھے نظر آئے ۔
ایک میڈیا رپورٹ کے مطابق بلاول بھٹو اور جئے شنکر ازبکستان کے تاشقند میں ایک میز پر بیٹھے نظر آئے۔ اس دوران چینی اور روسی وزیر خارجہ بھی ساتھ میں بیٹھے ہوئے دیکھے جاسکتے ہیں۔
بتادیں کہ ان دنوں ازبکستان میں شنگھائی تعاون تنظیم کے وزرائے خارجہ کی میٹنگ میں شرکت کے لیے رکن ممالک کے رہنما تاشقند پہنچے تھے۔
واضح رہے کہ بھارتی وزیر خارجہ ایس جے شنکر شنگھائی تعاون تنظیم وزرائے خارجہ کی کونسل کے اجلاس میں شرکت کے لیے جمعرات کو ازبکستان کے دور روزہ دورہ پر روانہ ہوئے تھے۔ اجلاس۲۸ اور ۲۹ جولائی کو ازبکستان کے دارالحکومت تاشقند میں منعقد ہوا۔
گزشتہ روز وزارت خارجہ نے ایک ریلیز میں کہاکہ جے شنکر، جو ازبکستان کے قائم مقام وزیر خارجہ ولادیمیر نوروف کی دعوت پر دورہ کر رہے ہیں۔
وزارت خارجہ کے مطابق اس ملاقات میں ۱۵ اور؍۱۶ ستمبر ۲۰۲۲ کے دوران سمرقند میں ہونے والے ایس سی او سربراہان کے آئندہ اجلاس کی تیاریوں پر تبادلہ خیال کیا جائے گا ۔اس کے علاوہ وزرائے خارجہ ایس سی او تنظیم کی توسیع کیلئے جاری تعاون کا جائزہ لیں گے اور مشترکہ تشویش کی علاقائی اور عالمی پیش رفت پر خیالات کا تبادلہ کریں گے۔
دریں اثناایک رپوڑت میں کہا گیا ہے کہ دونوں وزرائے خارجہ میں رسمی ملاقات کا کوئی امکان نہیں ہے ۔