مینڈھر/۹ستمبر
جموں و کشمیر کے ضلع پونچھ میں ساتویں جماعت کی ایک طالبہ کے ساتھ مبینہ اجتماعی زیادتی کے الزام میں کیب ڈرائیور اور اس کے ساتھی کو گرفتار کرلیا گیا ہے۔ حکام نے بدھ کے روز یہ اطلاع دی۔
حکام کے مطابق دونوں ملزمان کے خلاف بھارتیہ نیائے سنہتا کی متعلقہ دفعات، جن میں اجتماعی زیادتی، اغوا اور غیر قانونی حبس سے متعلق دفعات شامل ہیں، کے علاوہ بچوں کو جنسی جرائم سے تحفظ ایکٹ کے تحت مقدمہ درج کیا گیا ہے۔
حکام نے بتایا کہ متاثرہ طالبہ کے والد نے بدھ کی سہ پہر کے بعد گورسائی پولیس اسٹیشن میں شکایت درج کرائی۔ شکایت کے مطابق ان کی ساتویں جماعت میں زیرِ تعلیم بیٹی۶ ستمبر کو گھر واپس آتے ہوئے ظہور مشتاق عرف سونو کی چلائی ہوئی کیب میں سوار ہوئی، جس کے بعد ڈرائیور اسے اپنے گھر لے گیا، جہاں اس کا دوست محمد عرفان بھی موجود تھا۔
شکایت کے حوالے سے حکام نے بتایا کہ ملزمان نے مبینہ طور پر طالبہ کو تین روز تک قید میں رکھا اور اس کے ساتھ بار بار زیادتی کی۔
پولیس نے فوری کارروائی کرتے ہوئے دونوں ملزمان کو گرفتار کرلیا ہے، جبکہ معاملے کی مزید تفتیش جاری ہے۔
۔۔۔۔۔۔
ایجنسیاں
