پہلگام حملہ جموں و کشمیر کیلئے بڑا دھچکا تھا:فاروق عبداللہ

سرینگر؍۲۱؍اپریل
جموں کشمیر کے سابق وزیر اعلیٰ‘ فاروق عبداللہ نے منگل کو پہلگام دہشت گرد حملے کو جموں و کشمیر کے لیے ایک بڑا دھچکا قرار دیا، جبکہ انہوں نے گزشتہ سال اس واقعے میں جاں بحق ہونے والوں کو خراجِ عقیدت پیش کیا۔
صحافیوں سے بات کرتے ہوئے عمرعبداللہ نے کہا کہ وہ تمام شہید ہونے والوں کو خراج پیش کرنا چاہتے ہیں، خصوصاً ان لوگوں کو جنہوں نے دہشت گردی کے خلاف کھڑے ہونے کی جرأت دکھائی۔
امریکہ اور ایران کے درمیان مجوزہ دوسرے دور کے مذاکرات پر تبصرہ کرتے ہوئے انہوں نے امید ظاہر کی کہ مسلسل بات چیت بالآخر امن کی راہ ہموار کرے گی، اور کہا کہ پرامن حل کے سوا کوئی متبادل نہیں ہے۔
سابق وزیر اعلیٰ نے کہا’’بات چیت کے کئی دور ہو سکتے ہیں، مگر آخرکار امن ہی غالب آئے گا۔ دنیا کو صرف امن کے ذریعے ہی بچایا جا سکتا ہے‘‘۔
خواتین ریزرویشن بل کے حوالے سے این سی صدر نے کہا کہ ان کی جماعت ریزرویشن کے خلاف نہیں ہے، اور یاد دلایا کہ جب۲۰۲۳ میں یہ بل پیش کیا گیا تھا تو اسے اکثریت سے منظور کیا گیا تھا۔