دہلی کی وزیر اعلیٰ ریکھا گپتا کی رہائش گاہ پر ہولی کی تقریبات

نئی دہلی، 4 مارچ (یو این آئی) ریکھا گپتا نے بدھ کے روز اپنی سرکاری رہائش گاہ پر بی جے پی رہنماؤں، پارٹی کارکنان اور مقامی باشندوں کے ساتھ ہولی کا تہوار منایا وزیر اعلیٰ نے لوگوں کو رنگ لگا کر مبارکباد دی اور اس موقع پر نیک خواہشات کا اظہار کیا۔ ان کی رہائش گاہ پر پارٹی اراکین اور شہریوں کی بڑی تعداد جشن میں شرکت کے لیے موجود تھی مجمع سے خطاب کرتے ہوئے إمحترمہ گپتا نے کہا، "ہولی کے اس مقدس موقع پر میں آپ سب کو دل کی گہرائیوں سے مبارکباد پیش کرتی ہوں۔ یہ رنگوں کا تہوار آپ کی زندگیوں میں نئی امید، نیا جوش اور خوشحالی لے کر آئے۔”
انہوں نے کہا کہ ایک ترقی یافتہ دہلی وہ ہے جہاں تہوار بھی بااختیار بنانے کا ذریعہ بنیں۔
انہوں نے کہا”ہم نے اس ہولی پر ہر گھریلو خاتون، ہر بیٹی، ہر بہن اور ہر ماں کو عزت و احترام اور تعاون کے ساتھ جوڑنے کی کوشش کی ہے۔ باورچی خانے سے لے کر خوابوں کی پرواز تک، ہم ہر گھرانے کی طاقت کو تسلیم کرنے کے لیے پُرعزم ہیں،”
ریکھا گپتا نے مزید کہا کہ ہولی صرف رنگوں کا تہوار نہیں بلکہ خود انحصاری کا جشن بھی ہونا چاہیے۔ "ہر گھر میں خوشحالی اور ہر خاندان میں ترقی ہو،”