ایئر انڈیا ایکسپریس کی کمان بدلے گی

نئی دہلی، 02 مارچ (یواین آئی) ایئر انڈیا گروپ کی فضائی کمپنی ایئر انڈیا ایکسپریس کے منیجنگ ڈائریکٹر آلوک سنگھ پانچ سال تک عہدے پر رہنے کے بعد 19 مارچ کو سبکدوش ہو جائیں گے۔
مسٹر سنگھ نے ملازمین کو مخاطب ایک نوٹ میں بتایا کہ 19 مارچ کو ان کی مدتِ کار ختم ہو رہی ہے۔ انہوں نے کہا کہ اس دوران کمپنی انضمام کے مرحلے سے گزری، ایک نیا برانڈ بنا اور بیڑے کا حجم چار گنا بڑھا۔ ایئر لائن ملک کی تیسری سب سے بڑی ’نارو باڈی آپریٹر‘ بننے میں کامیاب رہی۔ اس وقت اس کے بیڑے میں 100 سے زیادہ طیارے ہیں اور بیرونِ ملک 14 ممالک میں اس کا نیٹ ورک ہے۔ مسٹر
سنگھ نے ملازمین کے تعاون پر شکریہ ادا کرتے ہوئے بتایا کہ کیپٹن ہی مش میکسویل نئے "اکاؤنٹیبل مینیجر” ہوں گے۔
ایئر انڈیا ایکسپریس کا نیٹ ورک ملک میں 45 اور بیرونِ ملک 17 شہروں تک پھیلا ہوا ہے۔ یہ روزانہ 500 سے زیادہ پروازیں چلاتی ہے۔ اس کے بیڑے میں 100 سے زیادہ بوئنگ 737 اور ایئربس A320 طیارے شامل ہیں۔