پلوامہ حملہ برسی سے قبل لال چوک میں سکیورٹی فورسز کی تلاشی کارروائیاں

سرینگر:حکام کے مطابق۲۰۱۹کے پلوامہ خودکش حملے کی ساتویں برسی سے قبل جمعہ کو یہاں شہر کے لال چوک علاقے میں سکیورٹی فورسز نے اچانک چیکنگ کی، جس میں۴۰سی آر پی ایف اہلکار ہلاک ہوئے تھے۔
حکام نے کہا کہ جموں و کشمیر پولیس کی ٹیموں نے یہاں لال چوک کے تجارتی مرکز میں اچانک چیکنگ اور تلاشی کارروائیاں انجام دیں۔
حکام نے بتایا کہ پولیس اہلکاروں نے ہوٹلوں میں مقیم مہمانوں کے شناختی کارڈ بھی چیک کیے۔
یہ چیکنگ پلوامہ حملے کی ساتویں برسی سے قبل سکیورٹی اقدامات کا حصہ ہے جو۱۴فروری۲۰۱۹کو اس وقت پیش آیا تھا جب دھماکہ خیز مواد سے بھری ایک گاڑی جنوبی کشمیر کے ضلع پلوامہ کے لیتھ پورہ میں سرینگرجموں قومی شاہراہ پر سی آر پی ایف کے قافلے سے ٹکرا گئی تھی۔
اس خودکش حملے میں۴۰سی آر پی ایف اہلکار ہلاک ہوئے تھے۔ (ایجنسیاں)