دہلی پولیس کا اے ایس آئی 15000 کی رشوت لیتے ہوئے گرفتار

نئی دہلی، 10 فروری (یو این آئی) مرکزی جانچ بیورو (سی بی آئی) نے دہلی پولیس کے ایک اسسٹنٹ سب انسپکٹر (اے ایس آئی) کو ایک شخص سے اس کے بھائی کو ضمانت دلانے میں مدد کرنے کے بدلے مبینہ طور پر 15,000 روپے کی رشوت مانگنے اور قبول کرنے کے الزام میں گرفتار کیا ہے۔
سی بی آئی نے منگل کو بتایا کہ ملزم نے مبینہ طور پر دھمکی دی تھی کہ اگر رشوت کی رقم نہ دی گئی تو وہ شکایت کنندہ کے بھائی کو دیگر مقدمات میں پھنسا دے گا۔
سی بی آئی نے سات فروری کو دہلی کے پکشم وہار تھانے میں تعینات اے ایس آئی اوم پرکاش کے خلاف معاملہ درج کیا تھا۔ ملزم نے شروع میں ضمانت کے معاملے میں مدد کرنے کے لیے شکایت کنندہ سے 25,000 روپے کی رشوت طلب کی تھی اور ادائیگی نہ کرنے پر اضافی جھوتے مقدمات میں پھنسانے کی دھمکی دی تھی۔
سی بی آئی نے جال بچھایا اور ملزم کو شکایت کنندہ سے 15,000 روپے کی رشوت لیتے ہوئے رنگے ہاتھوں پکڑ لیا۔ معاملے میں مزید تفتیش جاری ہے۔