برفباری کے بعد سری نگر ہوائی اڈے پر معمول کی پروازیں بحال

سرینگر: حکام کے مطابق، برفباری کے باعث فضائی آمد و رفت متاثر ہونے اور متعدد پروازوں کی منسوخی کے ایک دن بعد ہفتہ کی صبح سری نگر ہوائی اڈے پر معمول کی پروازیں بحال ہو گئیں۔ تاہم یومِ جمہوریہ کی تقریبات کے پیش نظر فضائی حدود کی عارضی بندش کے سبب دہلی سے آنے اور جانے والی چھ پروازیں منسوخ کر دی گئیں۔
ایک ہوائی اڈہ اہلکار نے بتایا کہ یہ منسوخیاں دہلی ہوائی اڈے کے لیے جاری کیے گئے نوٹس ٹو ایئر مین کے باعث ہوئیں‘جو صبح۱۰:۲۰بجے سے دوپہر۱۲:۴۵بجے تک نافذ رہا۔ انہوں نے کہا کہ ان منسوخیوں کے علاوہ سری نگر ہوائی اڈے پر پروازوں کا عمل زیادہ تر معمول پر آ چکا ہے اور آمد و روانگی طے شدہ شیڈول کے مطابق ہو رہی ہے۔
مسافروں کو مشورہ دیا گیا ہے کہ ہوائی اڈے روانہ ہونے سے قبل اپنی متعلقہ ایئرلائنز سے تازہ ترین پرواز کی صورتحال معلوم کر لیں۔
جمعہ کے روز سری نگر میں موسم کی پہلی برفباری کے باعث کم حدِ نگاہ اور رن وے کی عارضی بندش کے سبب ایک درجن سے زائد پروازیں منسوخ کر دی گئی تھیں، جس کے نتیجے میں سینکڑوں مسافر ہوائی اڈے پر پھنس گئے تھے۔