چھتیس گڑھ میں 41 نکسلیوں نے پولس کے سامنے خودسپردگی کی

بیجاپور، 26 نومبر (یو این آئی) چھتیس گڑھ کے انتہائی نکسل متاثرہ ضلع بیجاپور میں بدھ کے روز سکیورٹی آپریشن اور بازآبادکاری کی پالیسی میں اس وقت تاریخی کامیابی ملی، جب 41 سرگرم ماؤ نواز کیڈروں نے خودسپردگی کی، اور اپنے دیرینہ سفاکانہ، اور عوام دشمن اور ہندوستانی نظام کی مخالفت ترک کرنے کے عہد کا اظہار کیا۔
اس خودسپردگی کو ممنوعہ ماؤنواز تنظیم کے لیے بڑا جھٹکا سمجھا جاتا ہے ، جو جنوبی بستر، بالخصوص بیجاپور، سکما اور دنتے واڑہ کے گھنے جنگلات میں کئی دہائیوں سے سرگرم ہے ، جہاں ان کیڈروں پر 1.19 کروڑ کے کل انعام کا اعلان کیا گیا تھا، اور ان میں مبینہ طور پر جنوبی بیورو کے 39 ممبران شامل ہیں۔
پولس سپرنٹنڈنٹ کے دفتر سے بدھ کے روز موصول ہونے والی معلومات کے مطابق، خودسپردگی کرنے والوں میں 12 خواتین اور 29 مرد کیڈرس شامل ہیں جو جنوبی بستر ڈنڈکارنیا اسپیشل زون کمیٹی، تلنگانہ اسٹیٹ کمیٹی، دھمتری-گریابند-نواپاڑہ ڈویژن، مغربی بستر سپلائی ٹیم، اور مختلف ایم آئی زیڈ پی سی گروپس میں سرگرم تھے ۔
پولس ذرائع کے مطابق خودسپردگی کرنے والوں میں سب سے نمایاں پنڈرو ہپکا عرف موہن اور اس کی بیوی بندی ہاپکا شامل ہیں۔ وہ پی ایل جی اے بٹالین نمبر 1 میں سرگرم تھے ، اور ہر ایک پر 800,000 روپے کا انعام تھا۔
پولیس حکام نے واضح کیا کہ دستاویزات، قانونی تصدیق، اور بازآبادکاری کا عمل فوراً شروع کیا گیا ہے ، اور ریاستی حکومت کی سرینڈر اور بازآبادکاری کی پالیسی کے تحت ہر کیڈر کو 50,000 روپے کی فوری مالی امداد ملے گی۔