طالب علم کی اسکول کے پیچھے درخت سے لٹکی لاش ملی

بیتول ، 30 اکتوبر (یو این آئی) مدھیہ پردیش کے ضلع بیتول میں بدھ کی سہ پہر ایک چونکا دینے والے واقعے میں ایک طالب علم اسکول کے پیچھے درخت سے لٹکا ہوا پایا گیا ۔ کلاس 9 کے طالب علم آدتیہ (15) کی لاش اسکول کے پیچھے ایک درخت سے لٹکی ہوئی ملی ۔ یہ واقعہ دوپہر 2 بجے سے 3 بجے کے درمیان پیش آیا ۔
اطلاعات کے مطابق دوپہر کو اسکول کے قریب واقع مندر میں بھنڈارا چل رہا تھا ، جہاں تمام طلبہ پرساد لینے گئے تھے ، لیکن آدتیہ وہاں نہیں پہنچا ۔ جب کچھ طلباء نے اس کی تلاش کی تو انہیں اس کی لاش اسکول کے پیچھے درخت سے لٹکی ہوئی ملی ۔ اس واقعے پر طلبہ اور اساتذہ صدمے میں آ گئے ۔
اطلاع ملنے پر پولیس موقع پر پہنچی اور لاش کو پوسٹ مارٹم کے لیے بھیج دیا ۔ پولیس افسر روی شاکیہ نے کہا ، "پہلی نظر میں یہ خودکشی کا معاملہ معلوم ہوتا ہے ، لیکن اصل وجہ کا ابھی تک پتہ نہیں چل سکا ہے ۔” پولیس تمام پہلوؤں پر غور کر رہی ہے ۔
پرنسپل پریم رکسے نے بتایا کہ آدتیہ دوپہر کے کھانے سے پہلے تک کلاس میں موجود تھا ۔ دوپہر کے کھانے کے بعد جب پڑھائی شروع ہوئی تو اس کا بیگ کلاس روم میں ملا ، لیکن وہ خود واپس نہیں آیا ۔ تین طلباء نے اس کی تلاش کی اور فوری طور پر اسکول کے پیچھے درخت پر لاش دیکھنے کی اطلاع دی ۔