سیتاپور:سڑک حادثے میں 8 باراتی زخمی

سیتاپور:30 اکتوبر(یواین آئی)اتر پردیش کے ضلع سیتاپور کے سدھولی علاقے میں رامدانہ عیدگاہ کے نزدیک باراتیوں سے بھری ایک میجک گاڑی کے پلیا کے نیچے پلٹ جانے سے 8 باراتی شدید طور پر زخمی ہو گئے ۔
پولیس ذرائع نے جمعرات کو بتایا کہ سدھولی علاقے کے بھانڈیہ گاؤں سے کچھ لوگ بدھ کے روز دن میں ایک شادی میں میجک گاڑی سے لکھنؤ کے مڑیاواں تھانہ علاقے کے نوبستہ گئے تھے ۔ دیر رات واپسی کے دوران یہ سب باراتی اسی گاڑی سے واپس آ رہے تھے کہ رامدانہ عیدگاہ کے قریب ڈرائیور نے گاڑی سے اپنا کنٹرول کھو دیا اور میجک گاڑی پلیا کے نیچے پلٹ گئی۔
اس حادثے میں آٹھ افراد شدید طور پر زخمی ہو گئے ۔ زخمیوں میں حسین جہاں (45)، مہا وشو (22)، رضیہ (15)، سلطنت (14)، عکس (17) کو تشویشناک حالت میں لکھنؤ ٹراما سینٹر بھیجا گیا ہے ، جبکہ مزمل (22)، عیسیٰ (10) اور توفیق (23) کا علاج سدھولی اسپتال میں ہو رہا ہے ۔