آئی سی آئی سی آئی سکیورٹیز نے ٹیلی کمیونیکیشن کمپنیوں کی قدر میں اضافہ کیا

نئی دہلی، 24 ستمبر (یو این آئی) بروکریج فرم آئی سی آئی سی آئی سکیورٹیز نے ٹیلی مواصلات کے شعبے میں ”مضبوط کاروبار اور مالیاتی ڈھانچے ” کو دیکھتے ہوئے بھارتی ائیرٹیل کی ریٹنگ بڑھا کر ‘بائی’ کر دی ہے اور ریلائنس جیو کی قدر دو سال میں بڑھ کر 148 ارب ڈالر تک پہنچنے کا اندازہ ظاہر کیا ہے ۔
آئی سی آئی سی آئی سکیورٹیز نے جمعہ کے روز جاری اپنی رپورٹ میں کہا کہ ٹیلی مواصلات کے شعبے میں پریمیم خدمات کی توسیع ہو رہی ہے جسے 5 جی کے آنے کے بعد رفتار ملی ہے ۔ اس شعبے میں فکسڈ براڈبینڈ، ویلیو ایڈڈ سروسز، ڈیٹا سینٹرز اور انٹرپرائز آفرز کے ساتھ ایپلیکیشنز کا دائرہ بھی بڑھ رہا ہے ۔
رپورٹ میں کہا گیا ہے کہ ٹیلی مواصلات کے شعبے کو اضافی رفتار دینے والے دو اہم عوامل ہیں- پہلا، ریلائنس جیو اپنی ٹیکنالوجی اسٹیک کی جدید کاری کے لیے عالمی بازار کی طرف جا رہا ہے جہاں بڑے مواقع ہیں۔ دوسرا، بھارتی ائیرٹیل کلاؤڈ اور سافٹ ویئر سروسز میں شراکت داری کر رہی ہے ۔
بروکریج کمپنی کا کہنا ہے کہ اس نے بھارتی ائیرٹیل کی ریٹنگ ‘بائی’ کر دی ہے اور امکان ظاہر کیا کہ اس کے شیئرز 2,400 روپے تک پہنچ سکتے ہیں۔
ریلائنس جیو کے بارے میں رپورٹ میں کہا گیا ہے کہ اس کی ایکویٹی ویلیو ستمبر 2027 تک 148 ارب ڈالر تک پہنچ سکتی ہے ۔ رپورٹ میں مزید کہا گیا ہے کہ ریلائنس جیو کے اگلے سال کی پہلی ششماہی میں شیئر مارکیٹ میں فہرست بند ہونے کی توقع ہے ۔