گلین میکسویل اور بین ڈوارشئیس کی ہندوستان کے خلاف ٹی ٹوئنٹی سیریز میں واپسی

سڈنی، 24 اکتوبر (یواین آئی) آسٹریلیا نے ہندوستان کے خلاف ٹی ٹوئنٹی سیریز کے لیے گلین میکسویل اور بین ڈوارشئیس کو واپس بلا یا ہے اورتیز گیندباز مہلی بیئرڈ مین کو بھی ٹیم میں شامل کیا گیا ہے۔ اس کے ساتھ تیسرے اور آخری ایک روزہ میچ کے لئے جیک ایڈورڈز کوبھی بلایا گیا ہے۔
کرکٹ آسٹریلیا نے اپنے دونوں وائٹ بال اسکواڈز میں تبدیلیوں کی تصدیق کرتے ہوئے مارنس لیبوشگن کو تیسرے ون ڈے سے ریلیز کر دیا ہے۔ لیبوشگن منگل کو گابا میں شروع ہونے والے کوئنز لینڈ کے لیے این ایس ڈبلیو کے خلاف شیفیلڈ شیلڈ میچ کی تیاری کریں گے۔ اس کے علاوہ جوش ہیزل ووڈ اور شان ایبٹ دونوں ہی ٹی20 سیریز کے آخری مرحلے کے لیے دستیاب نہیں ہوں گے۔ وہ 10 نومبر سے ایس سی جی میں شروع ہونے والے وکٹوریہ کے لیے این ایس ڈبلیو کے خلاف شیفیلڈ شیلڈ میچ کے لیے دستیاب ہوں گے۔ ہیزل ووڈ صرف پہلے دو ٹی20 ہی کھیلیں گے، جب کہ ایبٹ ہوبارٹ میں کھیلے جانے والے تیسرے ٹی20 کے بعد اسکواڈ سے رخصت ہوجائیں گے۔
میتھیو کونمین پہلے ایک روزہ میچ میں کھیلے تھے، لیکن ایڈم زیمپا کی واپسی کی وجہ سے ایڈیلیڈ میں دوسرے ون ڈے میں انہیں جگہ نہیں ملی تھی، انہیں تیسرے ون ڈے کے لیے ٹیم میں شامل کیا گیا ہے۔ پرتھ ون ڈے میں کھیلنے والے جوش فلپ کو بھی ایلکس کیری کی واپسی کے باعث دوسرے ون ڈے سے باہر کردیا گیا تھا، لیکن جوش انگلس کی فٹنس سے متعلق غیر یقینی صورتحال کو دیکھتے ہوئے، انہیں ٹی20 سیریز کے لیے بیک اپ وکٹ کیپر کے طور پر شامل کیا گیا ہے۔ میکسویل آخری تین ٹی ٹوئنٹی کے لیے آسٹریلوی اسکواڈ میں واپس آئیں گے، گزشتہ ماہ کے آخر میں نیٹ پریکٹس کے دوران ان کی کلائی زخمی ہو گئی تھی۔ ڈوارشئیس پنڈلی کی چوٹ کی وجہ سے ون ڈے سیریز اور تین ٹی ٹوئنٹی میچوں سے باہر ہو گئے تھے لیکن انہیں کوئنز لینڈ میں کھیلے جانے والے چوتھے اور پانچویں ٹی ٹوئنٹی کے لیے ٹیم میں شامل کیا گیا ہے۔
تیسرے ون ڈے کے لیے آسٹریلیا کا اسکواڈ: مچل مارش (کپتان)، زیویئر بارٹلیٹ، ایلکس کیری (وکٹ کیپر)، کوپر کونلی، جیک ایڈورڈز، نیتھن ایلس، جوش ہیزل ووڈ، ٹریوس ہیڈ، جوش انگلیس، میتھیو کونیمن، مچل اوون، جوش فلیپ (وکٹ کیپر)، میٹ رین شا، میتھو شارٹ، مچل اسٹارک، اور ایڈم زیمپا۔
ٹی20 سیریز کے لیے آسٹریلوی اسکواڈ: مچل مارش (کپتان)، شان ایبٹ (پہلے تین میچوں کے لیے دستیاب)، زیویئر بارٹلیٹ، مہلی بیئرڈمین (آخری تین میچوں کے لیے دستیاب)، ٹم ڈیوڈ، بین ڈوارشئیس (آخری دو میچوں کے لیے دستیاب)، نیتھن ایلس، جوش ہیزل ووڈ (پہلے دومیچوں کے لیے دستیاب)، ٹریوس ہیڈ، گلین میکسویل (آخری تین میچوں کے لیے دستیاب) جوش انگلیس (وکٹ کیپر)، میتھیو کونمین، جوش فلپ (وکٹ کیپر)، مچل اوون، میتھیو شارٹ، مارکس اسٹونیس، اور ایڈم زیمپا۔