چیف جسٹس گوائی پر حملے کی کوشش شرمناک: اسٹالن

چنئی، 6 اکتوبر (یو این آئی) تمل ناڈو کے وزیراعلیٰ ایم کے اسٹالن نے پیر کے روز سپریم کورٹ میں چیف جسٹس بی آر گوائی پر حملے کی کوشش کو شرمناک قرار دیتے ہوئے اس کی سخت مذمت کی ۔
سوشل میڈیا پر پوسٹ میں مسٹر اسٹالن نے کہا کہ جس طرح چیف جسٹس نے شائستگی، سکون اور فراخ دلی کے ساتھ جواب دیا، وہ ادارے کی طاقت کو ظاہر کرتا ہے ۔
انہوں نے کہا کہ ہم اس واقعے کو نظر انداز نہیں کرسکتے ۔ حملہ آور کے عمل کے پیچھے بتائی گئی وجہ سے یہ ظاہر ہوتا ہے کہ معاشرے میں جابرانہ اور طبقاتی ذہنیت اب بھی کتنی گہرائی تک پیوست ہے ۔ انہوں نے ایسی ثقافت کو فروغ دینے کی ضرورت پر زور دیا جو ملک کے اداروں کا احترام اور تحفظ کرے اور عوام کے رویے میں پختگی کا مظاہرہ کرے ۔
وزیراعلیٰ نے ایک پوسٹ میں لکھا، ”سپریم کورٹ کے اندر چیف جسٹس تھرو بی آر گوائی کے خلاف شرمناک عمل ہمارے جمہوریت کے اعلیٰ عدالتی عہدے پر حملہ ہے اور اس کی سخت مذمت کی جانی چاہیے ۔”