پکنک سے واپس آ رہی گاڑی کو حادثہ ،ڈرائیور سمیت ۷ زخمی ‘ ٹرک ڈرائیور فرار

سرینگر//
سمبل سوناوری کے گارڈہ کھوڈ علاقہ میں بد ھ کی رات پکنگ پرگئی ایک بس حادثے کا شکار ہوئی جس سے ۷؍افراد زخمی ہو گئے ۔
تفصیلات کے مطابق رات نوبجے کے قریب یہ بس کدلہ بل پانپور میں ایک ٹرک سے ٹکرا گئی، جس کے نتیجے میں ڈرائیور سمیت سات طلبا زخمی ہوگئے‘ جنہیںپی ایچ سی اونتی پورہ لے جایا گیا اور بعد میں انہیں خصوصی علاج کے لیے صدر اسپتال سرینگر ریفر کیا گیا، جہاں ان سبھی کی حالت مستحکم بتائی جاتی ہے۔
زخمیوں کی شناخت (ڈرائیور) ساحل بشیر گنائی ولد بشیر احمد گانی ساکنہ ہریناد پٹن، محمد رمضان خان ولد عبدالعزیز خان ساکنہ چیکی بڈگام، ممتاز حسین بٹ ولدمحمدبٹ رہائش نجن سنبل ، سنبل کے رہائشی رئیس احمد حجام ولد حسن‘ روح اللہ حسین ملہ ولد نذیر احمد‘ سکوت علی ڈار ولد کاو حسین ڈار اور سید روح اللہ ولد سید محمد شاہ، تمام رہائشی گاڈہ کھو سمبل کے بطور ہو ئی ہے۔
ایک پولیس اہلکار نے واقعے کی تصدیق کرتے ہوئے بتایا کہ ٹرک ڈرائیور واقعے کے بعد گاڑی سمیت فرار ہونے میں کامیاب ہوگیا، تاہم متعلقہ دفعات کے تحت مقدمہ درج کرلیا گیا ہے اور جلد ہی ملزم کی گرفتاری کے لیے چھاپے مارے جارہے ہیں۔
اس وقعہ کے خبر جب ان کے آ بائی علاقہ میں پہنچی تو علاقہ میں کہرام مچ گیا اور لوگ افرا تفری کے عا لم میں صدر اسپتال اور جائے واردات پر پہنچ گئے۔