سنہا کی۱۱ویں بین الاقوامی یوگا ڈے کی تقریب میں شرکت

سری نگر//
جموں و کشمیر کے لیفٹیننٹ گورنر منوج سنہا نے ہفتے کو یوگا کے شائقین کے ساتھ۱۱ویں بین الاقوامی یوگا ڈے کی تقریب میں شرکت کی اور طے شدہ کامن یوگا پروٹوکول کے مطابق آسن کئے ۔انہوں نے کہا کہ آج کی تیز رفتار دنیا میں یوگا کی اہمیت بہت زیادہ ہے ۔
ایل جی کا کہنا ہے کہ یوگا سے ذہنی تنائو کم ہوجاتا ہے اور اس سے معیار زندگی بہتر ہوجاتا ہے ۔
سنہا نے کہا کہ اس سال بین الاقوامی یوگا دن کی تھیم ’یوگا فار ون ارتھ ، یوگا فار ہیلتھ ‘ہے جس سے صحت کے لیے جامع نقطہ نظر نمایاں ہو جاتا ہے ۔
ان کا کہنا کہ یہ قدیم ہندوستانی روایت معاشرے میں ذہنی اور روحانی ہم آہنگی کو یقینی بناتی ہے اور جسم، دماغ اور روح کو ہم آہنگ کرتی ہے ۔
اسنہا نے لوگوں سے اپیل کی کہ وہ یوگا کو روزمرہ کے معمولات میں شامل کریں اور دوسروں کو خوشگوار زندگی گزارنے کیلئے یوگا پر عمل کرنے کی ترغیب دیں۔