بارہمولہ:چوری کا معاملہ۴۸ گھنٹوں میں حل‘ دو گرفتار:پویس

سرینگر//
بارہمولہ پولیس نے چوری کے ایک معاملے کو۴۸گھنٹوں کے اندر حل کرکے دو افراد کو گرفتار کیا ہے اور۵لاکھ رویے مالیت کے مسروقہ املاک کو بر آمد کیا ہے ۔
ایک پولیس ترجمان نے اپنے ایک بیان میں تفصیلات فراہم کرتے ہوئے کہا کہ۳جون۲۰۲۵کو پولیس اسٹیشن پٹن کو محمد امین ڈار ولد محمد یوسف ڈار ساکن سمبل جو لومینو انڈسٹریز لمیٹیڈ کا ایک سب کنٹریکٹر ہے ، کی طرف سے ایک شکایت موصول ہوئی جس میں کہا گیا کہ ۲؍اور۳جون کی درمیانی شب ماموسہ ورک سائٹ سے ڈاگ کنڈکٹر (تار) چوری ہوئی ہے ۔
ترجمان نے کہا کہ اس سلسلے میں بی این ایس کے دفعہ۳۰۳(۲)کے تحت ایک ایف آئی آر زیر نمبر۲۰۲۵/۹۹درج کیا گیا اور تحقیقات شروع کی گئی۔
ان کا کہنا ہے کہ تکنیکی اور انسانی انٹلی جنس کا استعمال کرتے ہوئے جرم میں استعمال ہونے والی گاڑی کی نشاندہی کی گئی۔
بیان میں کہا گیا کہ مشکوک افراد سے پوچھ گچھ کے نتیجے میں شبیر احمد تبردار ولد علی محمد تبردار ساکن سنگھ پورہ اور عمر نبی کھانڈے ولد غلام نبی کھانڈے ساکن زانگام کو گرفتار کیا گیا۔
ترجمان نے کہا کہ ان کے انکشاف پر چوری شدہ تار کو بر آمد کیا گیا اور اس جرم میں استعمال کی جانے والی گاڑی کو بھی ضبط کیا گیا۔ان کا کہنا ہے کہ اس سلسلے میں مزید تحقیقات جاری ہے ۔