عالمی یوم ماحولیات:سنہا کا پلاسٹک کی آلودگی کو جڑ سے اکھاڑ پھینکنے پر زور

سرینگر//
جموں کشمیر کے لیفٹیننٹ گورنر منوج سنہا نے عالمی یوم ماحولیات کے موقع پر پلاسٹک کی آلودگی کو جڑ سے اکھاڑ پھینکنے کی ضرورت پر زور دیا ہے ۔
سنہا نے کہا کہ انسانیت کی مشترکہ بھلائی اور آنے والی نسلوں کے لیے ایک صحت مند سیارے کے لیے ماحولیاتی تحفظ اور حیاتیاتی تنوع کے تحفظ کے لیے کام کرنے اشد ضرورت ہے ۔
واضح رہے کہ۵جون کو عالمی یوم ماحولیات کے طور پر منایا جاتا ہے ۔ اس کا مقصد ماحولیاتی تبدیلیوں سے پیدا ہونے والے مسائل کو اجاگر کرنا ہے ۔
منوج سنہا نے اس دن کی مناسبت سے جمعرات کو ’ایکس‘پر ایک پوسٹ میں کہا’’ماحولیات کے عالمی دن کے موقع پر، آئیے ہم پلاسٹک کی آلودگی کو جڑ سے اکھاڑ پھینکنے کے لیے اپنے آپ کو دوبارہ وقف کریں اور انسانیت کی مشترکہ بھلائی اور آنے والی نسلوں کے لیے ایک صحت مند سیارے کے لیے ماحولیاتی تحفظ اور حیاتیاتی تنوع کے تحفظ کے لیے کام کریں۔‘‘