کشمیر میں رک رک کر بارشوں کا سلسلہ جاری‘مزید بارشیں متوقع

سرینگر//
محکمہ موسمیات کی پیش گوئی کے عین مطابق وادی کشمیر میں رک رک کر بارشیں ہو رہی ہیں اور یہ سلسلہ اگلے چوبیس گھنٹوں کے دوران جاری رہنے کا امکان ہے ۔
محکمے نے کسانوں سے کہا ہے کہ وہ ۹؍اور۱۰؍اپریل کو اپنے کھیت کھلیانوں اور باغوں میں تمام آپریشنز معطل رکھیں۔
موسمیات محکمے کے ایک ترجمان نے بتایا کہ وادی میں۹؍اور۱۰؍اپریل کو موسم ابر آلود رہنے کے ساتھ بیشتر علاقوں میں رک رک کر بارشیں ہوسکتی ہیں جبکہ پہاڑی علاقوں میں ہلکی برف باری بھی متوقع ہے ۔
ترجمان نے کہا کہ اس دوران کہیں کہیں ۳۰ سے۴۰کلو میٹر بھی گھنٹہ رفتار سے تیز ہوائیں بھی چل سکتی ہیں۔
ان کا کہنا ہے کہ۱۱؍اپریل کو بھی موسم ابر آلود رہ سکتا ہے اور اس دوران صبح کے وقت پہاڑی علاقوں میں کہیں کہیں ہلکی برف باری یا بارشوں کا امکان ہے ۔
ترجمان نے بتایا کہ۱۲؍اور۱۷؍اپریل کو وادی میں موسم مجموعی طور پر خشک رہ سکتا ہے ۔انہوں نے کہا کہ بعد ازاں وادی میں ۱۸سے۲۰؍اپریل تک موسم ایک بار پھر خراب رہنے کا امکان ہے ۔
محکمے نے اپنی ایڈوئزری میں مسافروں، سیاحوں اور ٹرانسپورٹروں سے کہا ہے کہ وہ ٹریفک ایڈوائزری پر عمل کریں جبکہ کسانوں سے کہا گیا ہے کہ وہ ۹؍اور۱۰؍اپریل کو اپنے کھیت کھلیانوں اور باغوں میں تمام آپریشنز معطل رکھیں۔