پونچھ حادثہ:ایک اورلاش برآمد۔۔خاتون اورنو مولود ہنوز لاپتہ

جموں//
پونچھ کے کلائی علاقے میں پیش آئے سڑک حادثے میں مرنے والوں کی تعداد تین تک جا پہنچی ہے جبکہ خاتون اور نومولود کی تلاش جاری ہے ۔
اطلاعات کے مطابق گزشتہ روز پونچھ کے کلائی علاقے میں ایک زائلو گاڑی ڈرائیور کے قابو سے باہر ہو کر گہری کھائی میں جاگری چنانچہ حادثے کی اطلاع ملتے ہی پولیس ٹیم اور مقامی لوگ جائے موقع پر پہنچے جس دوران پانچ افراد کو باز یاب کیا گیا جبکہ چار حادثے کے بعد لاپتہ ہوگئے
معلوم ہوا ہے کہ جمعے کے روز دریا سے سابق وٹنری ڈاکٹر عبدالعزیز کی لاش برآمد کی گئی اور سنیچر کو ایک خاتون جس کی شناخت شاہینہ اختر ساکن راجوری منجا کوٹ کے بطور ہوئی کی لاش باز یاب کی گئی۔
اس حادثے میں مرنے والوں کی تعداد تین تک جا پہنچی ہے جبکہ خاتون اور نومولود ہنوز لاپتہ ہے جن کی بڑے پیمانے پر تلاشی جاری ہے ۔
نامہ نگار نے بتایا کہ ایس ڈی آر ایف ، پولیس اور مقامی لوگوں کی جانب سے سرچ آپریشن ہنوز جاری ہے ۔
اس سلسلے میں مزید تفصیلات کا انتظار ہے ۔