وزیر تعلیم کا نومبر کے امتحانات کے نصاب میں نرمی کا اعلان

سرینگر///
وزیر تعلیم سکینہ ایتو نے آج کہا کہ نومبر کے وسط میں امتحانات دینے والے طلباء کو نصاب میں رعایت دی جائے گی۔ یہ فیصلہ مارچ سے نومبر تک تعلیمی سیشن کی شفٹ کے بعد آیا ہے ، جس میں طلباء کو معمول سے پہلے امتحانات دینے کی ضرورت ہوتی ہے۔
سکینہ ایتو نے موسم سرما کے علاقے میں برفباری کے امکانات کو نومبر کے وسط میں امتحانات منعقد کرنے کی وجہ قرار دیا، بجائے اس کے کہ ان میں مزید تاخیر کی جائے۔
ابتدائی طور پر یہ امتحانات مارچ میں ہونے تھے لیکن اب نومبر کے وسط میں منعقد کیے جائیں گے۔
خدشات کو دور کرنے کے لئے وزیر تعلیم نے یقین دلایا کہ طلباء کے مسائل کو مدنظر رکھا جائے گا اور اسٹیک ہولڈرز سے مشاورت کے بعد نویں جماعت تک کے طلباء کو نصاب میں نرمی فراہم کی جائے گی۔
ایتو نے کہا’’اس سے جموں کشمیر میں طلبا اور والدین کے خدشات دور ہوں گے اور نئے تعلیمی شیڈول میں آسانی سے منتقلی کو یقینی بنایا جائے گا‘‘۔
دریں اثناء تعلیمی کیلنڈر میں تبدیلی کی وجہ سے اسکولوں نے کلاسوں کیلئے داخلہ نوٹیفکیشن جاری کرنا شروع کردیا ہے۔