’جموں کشمیرمیں سیکورٹی فورسز منہ توڑ جواب دے رہی ہیں‘

کانپور//
وزیر دفاع راج ناتھ سنگھ نے جموں کشمیر میں حالیہ دہشت گردانہ حملوں کو ’بدقسمتی‘قرار دیتے ہوئے ہفتہ کو کہا کہ سکیورٹی میں کوئی کوتاہی نہیں ہوئی ہے۔
سنگھ نے دعویٰ کیا کہ وادی میں ہونے والے حملوں کی تعداد پہلے کے مقابلے میں کم ہوگئی ہے۔
یوپی کے کانپور میں نامہ نگاروں سے بات کرتے ہوئے سنگھ نے کہا’’یہ سیکورٹی کوتاہیوں کا مسئلہ نہیں ہے۔ پہلے کے مقابلے میں حملوں میں کمی آئی ہے۔ ہماری سیکورٹی فورسز چوکس ہیں، ایسی صورتحال آئے گی کہ وہاں (جموں و کشمیر) سے دہشت گردانہ سرگرمیوں کا مکمل صفایا ہوجائے گا اور جموں و کشمیر تیزی سے ترقی کرے گا‘‘۔
سنگھ نے کہا کہ جو حملے ہوئے وہ افسوسناک تھے، ہماری سکیورٹی فورسز بھی منہ توڑ جواب دے رہی ہیں، اتنے سارے دہشت گرد مارے گئے ہیں۔
وزیر دفاع نے کہا کہ مودی حکومت جموں کشمیر میں ہو رہے دہشت گردی کے واقعات میں ایسے حالات پیدا کرے گی کہ دہشت گردی کا مکمل خاتمہ ہو جائے گا اور جموں و کشمیر ترقی کرے گا۔انہوں نے کہا’’ کہا کہ ہماری فوج پوری طرح چوکس ہے۔ ہم فوج کی اہلیت اور سپاہیوں کی اہلیت پر نہ تو کوئی سوال اٹھا سکتے ہیں اور نہ ہی کچھ سن سکتے ہیں‘‘۔
سنگھ نے کہا کہ پڑوسی ممالک کے ساتھ بھارت کے تعلقات مسلسل بہتر ہو رہے ہیں۔ ان کاکہناتھا’’اگر ہم چین کے ساتھ تعلقات کی بات کریں تو پچھلے ایک سے ڈیڑھ سال کے اندر فوجی سطح پر بھی تعلقات بہتر کرنے کے تمام حل تلاش کیے گئے ہیں اور سفارتی سطح پر بھی‘‘۔ انہوں نے چین سے جڑے دو مختلف شہروں کا نام لیا اور کہا کہ ہم نے وہاں اصول کے مطابق گشت شروع کر دیا ہے۔ اس کے علاوہ ہمارے تعلقات مسلسل مضبوط ہوتے جا رہے ہیں۔