سانبہ میں اینٹی ٹینک مائن ناکارہ .. سرانوراجوری میں آئی ای ڈی برآمد

جموں//
جموںکشمیر کے سانبہ میں سیکورٹی فورسز نے اینٹی ٹینک مائن کو ناکارہ بنایا۔
اطلاعات کے مطابق سانبہ میں سرحد کے نزدیک مقامی افراد نے اینٹی ٹینک مائن دیکھی اور اس بارے میں بی ایس ایف کو آگاہ کیا۔
بی ایس ایف نے فوری کارروائی عمل میں لا کر اینٹی ٹینک مائن کو ناکارہ بنا دیا۔
دریں اثنا پولیس نے معاملے کی نسبت کیس درج کرکے تحقیقات شروع کی ہے ۔
ادھر جموںکشمیر کے راجوری ضلع کے سرانو علاقے میں آئی ای ڈی کو برآمد کرکے بعد ازاں ناکارہ بنایا گیا۔
اطلاعات کے مطابق پیر کے روز سیکورٹی فورسز کے اہلکار معمول کی چیکنگ پر تھے کہ اس دوران اُن کی نظر ایک آئی ای ڈی پر پڑی ۔
معلوم ہوا ہے کہ سیکورٹی فورسز نے آس پاس علاقے کو محاصرے میں لے کر لوگوں کے چلنے پھرنے پر پابندی عائد کی۔
ذرائع نے بتایا کہ بم ڈسپوزل اسکارڈ نے بعد ازاں آئی ای ڈی کو ناکارہ بنا یا۔