گاندربل میں دو منشیات فروش گرفتار، ممنوعہ مواد بر آمد:پولیس

سرینگر//
منشیات کے خلاف جنگ کو جاری رکھتے ہوئے پولیس نے وسطی کشمیر کے ضلع گاندربل میں دو بد نام زمانہ منشیات فروشوں کو گرفتار کرکے ان کی تحویل سے بھاری مقدار میں ممنوعہ مواد بر آمد کیا ہے ۔
ایک پولیس ترجمان نے اپنے ایک بیان میں تفصیلات فراہم کرتے ہوئے کہا کہ ایک پولیس چوکی شادی پورہ کی ایک ٹیم نے خان محلہ بنڈ میں گشت کے دوران رضوان احمد خان ولد غلام حسن خان اور ساحل احمد خان ولد منظور احمد خان ساکنان خان محلہ نامی دو افراد کو گرفتار کیا۔
ترجمان نے کہا کہ تلاشی کے دوران ان کی تحول سے۲ء۱۰کلو خشک پیسی ہوئی بھنگ اور بیج اور بھنگ پائوڈر کے ۳۶۸گرام بر آمد کئے گئے ۔
ان کا کہنا تھا کہ اس ممنوعہ مواد کو بر سر موقع ہی ضبط کیا گیا اور دونوں ملزموں کو گرفتار کیا گیا۔
بیان میں کہا گیا’’ابتدائی تفتیش کے دوران رضوان احمد خان نے اپنے گھر میں مزید بھنگ چھپا کے رکھنے کا اعتراف کیا‘‘۔انہوں نے کہا’’کل ملا کر۱۳کلو اور۳۶۸گرام بھنگ، بیج وغیرہ ممنوعہ مواد بر آمد کیا گیا‘‘۔
پولیس ترجمان نے کہا کہ اس ضمن میں پولیس اسٹیشن گاندربل میں متعلقہ دفعات کے تحت ایک کیس درج کرکے مزید تحقیقات شروع کی گئی۔