جموں کشمیر میںپرامن انتخابات جمہوریت کی بحالی کی علامت ہے: پوری

نئی دہلی//
مرکزی وزیر ہردیپ سنگھ پوری نے جموں کشمیر اسمبلی انتخابات کا حوالہ دیتے ہوئے چہارشنبہ کے روز کہا کہ ہنگامہ خیز ماضی سے پرامن جمہوری عمل کی طرف ایک اہم تبدیلی خطے میں جمہوریت کی بحالی کی علامت ہے۔
پوری نے کہا کہ یہ خطہ پتھربازی کی صنعت سے نکل کر۶۵/۶۶ فیصد رائے دہندگان کی قابل ذکر رائے دہندگی کا مشاہدہ کر رہا ہے۔
مرکزی وزیر نے کہا’’انتخابات سے پہلے جموں کشمیر میں زمینی صورتحال یہ تھی کہ پتھربازی کی صنعت کے نام سے ایک صنعت تھی۔ لیکن کل ووٹنگ ٹرن آؤٹ۶۵/۶۶ فیصد تھا، جو ہمارے لئے ایک بہت بڑی جیت ہے۔ پرامن انتخابات ہوئے۔ جمہوریت کی بحالی ہوئی ہے‘‘۔
بھارتیہ جنتا پارٹی (بی جے پی) کی جیت پر اعتماد کا اظہار کرتے ہوئے مرکزی وزیر نے کہا’’ہمیں یقین ہے کہ بی جے پی انتخابات جیت جائے گی… آنے والے وقت میں جموں و کشمیر کی کہانی آزاد ہندوستان کی سب سے بڑی کہانیوں میں سے ایک ہوگی‘‘۔
پوری نے کانگریس کے قومی صدر ملکارجن کھڑگے کے اس بیان پر بھی حملہ کیا کہ جب تک وزیر اعظم مودی کو اقتدار سے نہیں ہٹایا جاتا تب تک نہیں مریں گے اور وزیر اعظم مودی وزیر اعظم نہیں بنیں گے کیونکہ وہ چاہتے ہیں۔ اس کے بجائے، وہ وزیر اعظم ہوں گے کیونکہ لوگ چاہتے ہیں کہ وہ ملک کے وزیر اعظم بنیں۔ (ایجنسیاں)