اوڑی سڑک حادثے میں۲۲؍افراد زخمی ‘چار کی حالت نازک

سرینگر//
شمالی ضلع بارہ مولہ کے جبلہ اوڑی میں جمعے کے روز گاڑی الٹنے سے ۲۲؍افراد زخمی ہوئے جن میں سے چار کو نازک حالت میں گورنمنٹ میڈیکل کالج بارہ مولہ منتقل کیا گیا۔
اطلاعات کے مطابق سابق وزیر تاج محی الدین کی چناوی ریلی میں شرکت کی خاطر ایک گاڑی کمل کوٹ سے اوڑی کی طرف جارہی تھی کہ جبلہ کے مقام پر گاڑی کو حادثہ پیش آیا جس کے نتیجے میں۲۲؍افراد زخمی ہوئے ۔
معلوم ہوا ہے کہ آس پاس موجود لوگ فوری طورپر جائے موقع پر پہنچی اور زخمیوں کو طبی امداد کی خاطر سب ضلع ہسپتال اوڑی منتقل کیا جہاں سے ابتدائی مرہم پٹی کے بعد چار کو نازک حالت میں گورنمنٹ میڈیکل کالج بارہ مولہ منتقل کیا گیا ہے ۔
دریں اثنا پولیس نے اس ضمن میں کیس درج کرکے تحقیقات شروع کی ۔
اس دوران جموں کے سانبہ ضلع میں پل کی تعمیر کے سلسلے میں کھدائی کے دوران مٹی کا تودا گر آیا جس کے نتیجے میں دو مزدور جاں بحق جبکہ چار دیگر زخمی ہوئے ہیں۔
اطلاعات کے مطابق کٹرا دہلی ایکسپرس ہاوے پر کام کے دوران چھ مزدور مٹی کے تودے کے نیچے آئے چنانچہ پولیس اور ایس ڈی آر ایف نے فوری طورپر ریسکیو آپریشن شروع کیا اور مٹی کے نیچے پھنسے ہوئے مزدور وں کو باہر نکال کر ہسپتال منتقل کیا تاہم وہاں پر تعینات ڈاکٹروں نے دومزدوروں کو مردہ قرار دیا۔
حکام نے بتایا کہ سانبہ میں دیوک دریائے پر پل کی تعمیر کے دوران مٹی کا ایک بڑا تودا گر آنے کے نتیجے میں چھ مزدور اس کے نیچے دفن ہوئے ۔انہوں نے بتایا کہ این ڈی آر ایف ، ایس ڈی آرایف نے فوری طورپر ریسکیو آپریشن شروع کیا اور دو گھنٹے کی انتھک کوشش کے بعد چار مزدوروں کو باہر نکال کر ہسپتال پہنچایا۔
حکام نے مزید بتایا کہ مشینری کی مدد سے مزید دور مزدوروں کو بھی باہر نکال کرنزدیکی ہسپتال منتقل کیا تاہم وہ وہاں پر جانبر نہ ہو سکے ۔متوفین کی شناخت سوبن کمار ساکن بہار اور لال سنگھ ساکن ریاسی کے بطور ہوئی ہے ۔
دریں اثنا پولیس نے معاملے کی نسبت کیس درج کرکے مزید تحقیقات شروع کی ہے ۔