مغل روڈ پر کار پرپتھروں کی زد میں آنے سے شہری ہلاک‘۲ زخمی

پونچھ//
وادی کشمیر کے شوپیاں ضلع کو راجوری اور پونچھ کے جڑواں اضلاع سے ملانے والی مغل روڈ پر جمعہ کے روز ایک گاڑی کے پتھر سے ٹکرانے سے ایک شخص ہلاک اور دو دیگر زخمی ہو گئے۔
سرکاری ذرائع نے بتایا کہ ایک ماروتی کار کشمیر سے بفلیاز جا رہی تھی اور پونچھ ضلع کے سرنکوٹ علاقے کے چھٹا پانی میں پتھروں کی زد میں آ گئی۔ گاڑی میں سوار تین افراد زخمی ہوگئے۔ بعد ازاں انہیں اسپتال منتقل کیا گیا جہاں ان میں سے ایک‘جس کی شناخت شہزاد احمد ولد سیف اللہ ساکن گمبیر مغلان راجوری کے طور پر ہوئی‘ فوت ہوا۔ انہوں نے بتایا کہ دو دیگر افراد محمد افضل ولد شاہ محمد اور لال حسین ولد شب دین ساکن گمبیر مغلان راجوری زیر علاج ہیں۔
ایک پولیس افسر نے اس کی تصدیق کی اور کہا کہ اس سلسلے میں ایک مقدمہ درج کیا گیا ہے۔