نئی دہلی/28 اگست
دہلی کی پٹیالہ ہاو¿س کورٹ نے ان کیمرہ میں تفصیلی سماعت کے بعد راشد انجینئر کی ضمانت عرضی پر اپنا فیصلہ محفوظ رکھ لیا ہے۔ توقع ہے کہ عدالت ۴ ستمبر کو اپنا فیصلہ سنائے گی۔
گزشتہ ہفتے دہلی کی ایک عدالت نے جیل میں بند کشمیری رکن پارلیمنٹ راشد انجینئر کی درخواست پر قومی تحقیقاتی ایجنسی (این آئی اے) سے جواب مانگا تھا۔
شیخ عبدالرشید عرف انجینئر رشید کو 2017 میں جموں و کشمیر میں دہشت گردی کی فنڈنگ کے معاملے میں گرفتار کیا گیا تھا۔ اس کے باوجود انہوں نے 2024 کے لوک سبھا انتخابات میں سابق وزیر اعلی اور نیشنل کانفرنس کے رہنما عمر عبداللہ کو شکست دے کر بارہمولہ سیٹ جیت لی۔
