جموں کشمیر کے انتخابات غیرمعمولی اہمیت کے حامل ہیں

جموں//
کانگریس کے صدر‘ملکاارجن کھڑگے نے جمعرات کے روز کہاکہ جموں کشمیر کے انتخابات غیرمعمولی اہمیت کے حامل ہیں۔انہوں نے کہاکہ ہم آج یہاں جمہوریت کو بچانے کی خاطر آئے ہیں۔
کھڑگے نے ان باتوں کا اظہار کانگریس صدر نے جموں میں کارکنوں سے خطاب کے دوران کیا۔
کانگریسی صدر نے کہاکہ جموںکشمیر میں اگر کانگریس ہم خیال سیاسی پارٹیوں کو ساتھ لے کر الیکشن جیت جاتی ہے تو اس صورت میں ریاستی درجہ بحال ہوگا‘ بلدیاتی اور پنچایت چناؤ بھی منعقد ہونگے ۔
کھڑگے نے کہاکہ جموں کشمیر میں جمہوریت کو بچانے کی خاطرکانگریس لیڈر شپ یہاں پر آئی ہوئی ہے ۔
پارلیمانی الیکشن پر بات کرتے ہوئے کھڑگے نے کہاکہ ہمیں لوک سبھا انتخابات میں زیادہ نشستیں نہیں ملیں۔
ان کے مطابق اگر انڈیا اتحاد کو ۲۵سیٹیں اور مل جاتیں تو راہل گاندھی ہندوستان کے وزیر اعظم بن چکے ہوتے ۔انہوں نے مزید بتایا کہ پارلیمنٹ سیشن کے دوران بی جے پی نے کئی متنازعہ بلوں کو پاس کرانے کی کوشش کی تاہم انڈیا اتحاد نے اس کو ناکام بنایا۔
ان کے مطابق وقف ترمیمی بل کے ساتھ ساتھ دوسری اہم بلوں پر اب جوائنٹ پارلیمنٹری کمیٹیاں تشکیل دی گئی ہیں۔
کانگریس صدر نے کہا ’’جموںکشمیر کے لوگوں کے ساتھ بی جے پی نے جتنے بھی وعدئے کئے وہ آج تک وفا نہ ہو سکے ‘‘۔
ان کا مزید کہنا تھا کہ سٹیٹ ہڈ کی بحالی کی خاطر کانگریس اپنے وعدے پر کاربند ہے ۔انہوں کے مطابق ملک کی تاریخ میں ایسا پہلی مرتبہ ہوا ہے کہ جب ایک ریاست کو توڑدو مرکزی زیر انتظام علاقوںمیں تقسیم کیا گیا۔
کھڑگے نے کہاکہ جموں وکشمیر میں دہشت گردی کے واقعات میں غیر معمولی اضافہ ہوا ہے ۔ انہوں نے مزید بتایا کہ جموں وکشمیر کے لوگوں کے جذبات و احساسات کا ہر صورت میں خیال رکھا جائے گا۔