راجوری میں ڈرون کے ذریعے گرائے گئے اسلحے کی کھیپ ضبط

جموں//
جموں کشمیر کے راجوری ضلع میں لائن آف کنٹرول (ایل او سی) کے پار سے سیکورٹی فورسز نے جمعہ کو ہتھیاروں اور گولہ بارود کی ایک کھیپ ضبط کی۔
عہدیداروں نے بتایا کہ منگلا بٹالین کے علاقے میں ایل او سی کے قریب مشتبہ ڈرون دیکھے جانے کے بعد نوشہرہ کے علاقے میں سرچ آپریشن شروع کیا گیا تھا۔
عہدیداروں نے مزید بتایا کہ فوجی یونٹوں نے ڈرون کو فائرنگ سے نشانہ بنایا اور صبح سویرے محاصرے اور تلاشی کی کارروائی شروع کی گئی۔
انہوں نے بتایا کہ تلاشی کے دوران فوج اور پولیس اہلکاروں نے نوشہرہ سب ڈویڑن کے سرحدی گاؤں سحر میں ڈرون کے ذریعے مشتبہ کھیپ دریافت کی اور اسے قبضے میں لے لیا۔
ان اشیاء میں ایک پستول، دو میگزین اور ۳۷ گولیاں شامل ہیں۔ عہدیداروں نے بتایا کہ علاقے میں سرچ آپریشن جاری ہے۔