سرینگر/22جولائی
جموں وکشمیر کے گرمائی دارلخلافہ سری نگر کے راجباغ علاقے میں آتشزدگی کی ایک واردات میں دور ہائشی مکانوں کو نقصان پہنچا ہے ۔
اطلاعات کے مطابق پیر کی صبح راجباغ سری نگر میں رہائشی مکان سے آگ نمودار ہوئی جس نے آناً فاناً اپنے متصل اور ایک مکان کو لپیٹ میں لے لیا۔
فائر اینڈ ایمرجنسی اور مقامی لوگوں کی بروقت کارروائی کے نتیجے میں گر چہ آگ پر قابو پایا گیا تاہم آگ کی اس واردات میں دو رہائشی مکانوں کو نقصان پہنچا ہے ۔
فائر اینڈ ایمرجنسی کے ایک سینئر عہدیدار نے یو این آئی اردو کو بتایا کہ آج صبح ساڑھے دس بجے کے قریب راجباغ سری نگر میں رہائشی مکان سے آگ نمودار ہونے کی اطلاع موصول ہوئی۔
انہوں نے کہاکہ فائر اینڈ ایمرجنسی عملے کے اہلکار فوری طورپر جائے موقع پر پہنچے اور آگ بجھانے کی کارروائی شروع کی۔
انہوں نے مزید بتایا کہ سات فائر ٹینڈروں اور آٹھ انجنوں کی مدد سے آگ پر قابو پایا گیا ہے ۔
دریں اثنا پولیس نے آگ لگنے کی وجوہات جاننے کی خاطر کیس درج کرکے مزید تحقیقات شروع کی ۔
