انسانی اسمگلنگ کیس:بارہمولہ میں مزید تین نابالغ لڑکیاں بازیاب‘دو گرفتار

سرینگر/۲۲جولائی
شمالی کشمیر کے ضلع بارہمولہ میں پولیس نے انسانی اسمگلنگ میں مبینہ طور پر ملوث مزید دو افراد کو گرفتار کرکے تین نابالغ لڑکیوں کو باز یاب کیا ہے ۔
اس طرح پولیس نے تحقیقات کے دوران اس کیس میں ملوث گرفتار شدگان کی تعداد۴جبکہ بازیاب ہونے والی نابالغ لڑکیوں کی تعداد ۷تک پہنچ گئی۔
بتادیں کہ پولیس نے۱۲جولائی کو بارہمولہ میں اس کیس کے سلسلے میں شکیل احمد بٹ اور معراج الدین تانترے ساکنان بارہمولہ کو گرفتار کیا تھا اور کیس کی ابتدائی تحقیقات کے دوران چار نابالغ لڑکیوں کا بچایا تھا۔
ایک پولیس ترجمان نے پیر کے روز اپنے ایک بیان میں تفصیلات فراہم کرتے ہوئے کہا”پولیس اسٹیشن بارہمولہ میں متعلقہ دفعات کے تحت درج ایف آئی آر کی مزید تحقیقات کے دوران یہ بات سامنے آئی کہ غلام محمد خان ساکن ناربل اور منظور احمد شاہ ساکن جان باز پورہ بھی انسانی اسمگلنگ اور یونین ٹریٹری سے باہر کی رہنے والی نابالغ لڑکیوں کے استحصال میں ملوث ہیں“۔
انہوں نے کہا کہ دونوں ملزموں کو گرفتار کرکے پولیس اسٹیشن بارہمولہ منتقل کیا گیا۔
بیان میں کہا گیا”اس دوران روہنگیا برما کی تین نابالغ لڑکیوں کو بھی بچایا گیا۔“