جموں کشمیر میں۲۰جولائی تک ہلکی بارشوں کا امکان:محکمہ موسمیات

سرینگر//
جھلسانے والی گرمیوں کے بیچ محکمہ موسمیات نے جموں و کشمیر میں۲۰جولائی تک کہیں کہیں بارشوں کی پیش گوئی کی ہے ۔
موسمیات محکمے کے ایک ترجمان نے بتایا کہ وادی میں۱۲جولائی کو موسم مجموعی طور پر ابر آلود رہنے کے ساتھ کہیں کہیں ہلکی بارشوں کا امکان ہے اور اس دوران جموں میں کچھ مقامات پر بھاری بارشیں متوقع ہیں۔انہوں نے کہا کہ بعد ازاں جموں وکشمیر میں۱۳سے۱۵جولائی تک بھی کچھ مقامات پر بارشوں کے مختصر مرحلے کا امکان ہے ۔
ترجمان کا کہنا تھا کہ جموں وکشمیر میں ۱۶؍اور۱۷جولائی کو بھی گرج چمک کے ساتھ کہیں کہیں مختصر بارشیں ہوسکتی ہیں جبکہ ۱۸سے ۲۰جولائی تک بھی کچھ مقامات پر بارشوں کے مختصر مرحلے کو خارج از امکان قرار نہیں دیا جا سکتا ہے ۔
محکمے نے اپنی ایڈوائزری میں کہا کہ۱۲جولائی کو جموں صوبے کے خطرنا مقامات پر سیلابی ریلے ، زمین کھسکنے اور چٹانیں گر آنے کے بھی امکانات ہیں۔