’بی جے پی اسمبلی الیکشن کیلئے پوری طرح تیار‘

جموں//
بھارتیہ جنتاپارٹی(بی جے پی) کے جموں کشمیر یونٹ کے صدر رویندر رینا نے جمعرات کے روز کہاکہ بھاجپا اسمبلی چناو کے لئے پوری طرح سے تیار ہے۔
رینا نے کہاکہ اسمبلی الیکشن بی جے پی اپنے دم پر لڑے گی اور اگلا وزیراعلیٰ بھارتیہ جنتاپارٹی کا ہی ہوگا۔
جموں میں نامہ نگاروں سے بات چیت کے دوران انہوںنے کہاکہ۶جولائی کو بی جے پی کے قومی صدر جے پی نڈا جموں وکشمیر پہنچ رہے ہیں جس دوران وہ ایک بڑے پروگرام میں شرکت کریں گے ۔
رینا نے کہاکہ اس پروگرام میں زا ئد از دو ہزار بی جے پی کے عہدیدار اور کارکنان شریک ہو رہے ہیں ۔
بی جے پی یونٹ صدر کا مزید کہنا تھا کہ بھاجپا جموں وکشمیر میں اسمبلی الیکشن کے لئے پوری طرح تیار ہے اور وہ پوری قوت کے ساتھ اسمبلی الیکشن لڑے گی ۔
رینا کا مزید کہنا تھا کہ ہمارے کوشش رہے گی کہ جموں وکشمیر کے عوام کی مدد سے ہم اسمبلی الیکشن جیت جائیں ۔انہوں نے کہا’’جموں وکشمیر میں بی جے پی حکومت بنانے میں کامیاب ہو جائے گی اور اگلا وزیر اعلیٰ بھی بھاجپا کا ہی ہوگا‘‘۔
بی جے پی یونٹ صدر کے مطابق اس بار بھارتیہ جنتاپارٹی جموں وکشمیر میں اپنے دم پر الیکشن لڑے گی اور اس کے لئے ہم نے بڑے پیمانے پر تیاریاں شروع کی ہیں۔