آئی جی بی ایس ایف کا پہلگام۔۔ راستے پر تعینات جوانوں کی تیاریوں کا جائزہ

سرینگر///
بارڈر سیکورٹی فورس (بی ایس ایف) کشمیر کے انسپکٹر جنرل (آئی جی) اشوک یادو نے امرناتھ یاترا کیلئے پہلگام راستے پر تعینات بی ایس ایف اہلکاروں کی آپریشنل تیاریوں کا جائزہ لیا۔
یادونے اس دوران جوانوں کے ساتھ بات چیت بھی کی اور سیکورٹی گرڈ کا بھی معائنہ کیا۔
بتادیں کہ۵۲دنوں پر محیط امرنا کہ یاترا ۲۹جون سے جنوبی کشمیر کے ضلع اننت ناگ کے روایتی۴۸کلو میٹر طویل پہلگام راستے اور وسطی کشمیر کے ضلع گاندربل کے ۱۴کلو میٹر طویل بالتل راستے سے جوش و خروش کے ساتھ جاری ہے ۔
بی ایس ایف کشمیر نے بدھ کی صبح ’ایکس‘پر ایک پوسٹ کے ذریعے جانکاری فراہم کرتے ہوئے کہا کہ آئی جی بی ایس ایف کشمیر اشوک یادو نے شری امرناتھ جی یاترا کے لئے پہلگام راستے پر تعینات بی ایس ایف اہلکاروں کی آپریشنل تیاریوں کا جائزہ لیا۔
بی یاس ایف نے کہا’’آئی جی نے جوانوں کے ساتھ بات چیت کی اور سیکورٹی اور نگرانی گرڈ کا معائنہ بھی کیا تاکہ محفوط یاترا کے لئے روڈ اوپننگ پارٹی کی مربوط چوکسی کو یقینی بنایا جا سکے ۔‘‘