لیہہ میں زلزلے کے جھٹکے ، کوئی نقصان نہیں

سرینگر//
لداخ یونین ٹریٹری کے ضلع لیہہ میں بدھ کی صبح زلزلے کے ہلکے جھٹکے محسوس کئے گئے تاہم کسی جانی یا مالی نقصان کی کوئی اطلاع نہیں ہے ۔
ریکٹر اسکیل پر اس زلزلے کی شدت۴ء۴ ریکارڈ کی گئی جبکہ اس کی زیر زمین گہرائی۱۵۰کلو میٹر تھی۔
نیشنل سینٹر فار سیسمالوجی کے مطابق لداخ کے لیہہ میں بدھ کی صبح۸بجکر۱۲منٹ پر زلزلے کے جھٹکے محسوس کئے گئے ۔انہوں نے کہا کہ ریکٹر اسکیل پر اس زلزلے کی شدت۴ء۴ریکارڈ کی گئی جبکہ اس کی زیر زمین گہرائی۱۵۰کلو میٹر تھی۔
تاہم زلزلے سے کسی قسم کے جانی یا مالی نقصان کی کوئی اطلاع نہیں ہے ۔بتادیں کہ جموں وکشمیر زلزلیاتی پیمانے پر سب سے زیادہ خطرناک زون پانچ اور چار میں آتا ہے ۔