عمر اور محبوبہ کی ہار کے بعد این سی اور پی ڈی پی دفاتر میں ہو کا عالم

سرینگر//
محبوبہ مفتی اور عمر عبداللہ کی ہار کے بعد نیشنل کانفرنس اور پی ڈی پی دفاتر میں ہو کا عالم دیکھا گیا اور دن بھر وہاں الو بولتے ہوئے نظر آرہے تھے ۔
اطلاعات کے مطابق نیشنل کانفرنس کے نائب صدر عمر عبداللہ نے بارہ مولہ پارلیمانی نشست پر ہار تسلیم کی اور وہاں پر انجینئر رشید نے ایک بڑے مارجن سے کامیابی حاصل کرکے سب کو وطیرہ حیرت میں ڈال دیا۔
پی ڈی پی صدر محبوبہ مفتی اپنے مد مقابل میاں الطاف سے ہار گئی۔
سابق وزرائے اعلیٰ کی ہار کے بعد پی ڈی پی اور نیشنل کانفرنس کے دفاتر میں ہو کا عالم دیکھا گیا ۔
یو این آئی اردو کے نامہ نگار نے سری نگر میں قائم پی ڈی پی اور نیشنل کانفرنس کے دفاتر کا دورہ کرنے کے بعد بتایا کہ وہاں پر کوئی نظر ہی نہیں آرہا تھا ، گر چہ ایک روز قبل جشن کی تیاریاں کی گئیں لیکن جوں ہی نتائج سامنے آئے تو دونوں پارٹیوں کے کارکنان مایوس ہو کرواپس چلے گئے ۔