شمالی کمان کے سربراہ کا کشمیردورہ، سیکورٹی منظر نامے کا لیا جائزہ

سرینگر/18مئی
فوج کی شمالی کمان کے کمانڈر لیفٹیننٹ جنرل سوچندر کمار نے ہفتے کے روز وادی کشمیر کے دورے کے دوران سیکورٹی منظر نامے کا جائزہ لیا۔
فوج کی شمالی کمان نے ہفتے کو ’ایکس‘پر ایک پوسٹ میں کہا”فوج کی شمالی کمان کے کمانڈر لیفٹیننٹ جنرل سوچندر کمار نے وادی کشمیر میں فوجی تنصیبات کا دورہ کیا اور وہاں پر سینئر آفیسران کے ساتھ موجودہ صورتحال پر تبادلہ خیال کیا“۔
فوج نے بتایا کہ لیفٹیننٹ جنرل نے کور کمانڈر کے ہمراہ وکٹر فورس ہیڈ کواٹر کا دورہ کرکے وہاں پر آپریشنل تیاریوں کا جائزہ لیا ۔
اس سے قبل لیفٹیننٹ جنرل کو فوج کے سینئر آفیسران نے کشمیر کی موجودہ سیکورٹی صورتحال کے بارے میں بریفنگ دی۔
فوجی کمانڈر کو مخالفین کے چیلنجز کا مقابلہ کرنے کےلئے کئے جانے والے اقدامات کے بارے میں بھی جانکاری فراہم کی گئی۔