وزیر داخلہ کا مختصر دورہ سری نگر مکمل، دہلی واپس روانہ

سرینگر//
مرکزی وزیر داخلہ امیت شاہ اپنے مختصر دورہ کشمیر کے بعد جمعہ کو واپس دہلی روانہ ہوئے ۔
وہ جمعرات کی شام کو سری نگر پہنچے تھے ۔
ذرائع نے بتایا کہ وزیر داخلہ اپنے دورے کے دوران کئی وفود سے ملے جن میں سکھ، پہاڑی، گجر بکروال اور سول سوسائٹی کے وفود شامل تھے ۔
ان وفود نے وزیر داخلہ امیت شاہ اور وزیر اعظم نریندر مودی کا ان کے دیرینہ مسائل کو حل کرنے پر شکریہ ادا کیا۔انہوں نے کہا کہ دہلی روانہ ہونے سے قبل جمعہ کی صبح امیت شاہ نے پارٹی کے کارکنوں سے بھی ملاقات کی۔
ذرائع نے بتایا کہ میٹنگ کے دوران پارٹی کے مقاصد کو ہم آہنگ کرنے اور خطے میں پارٹی کی موجودگی کو مزید مضبوط بنانے پر توجہ مرکوز کی گئی۔
بتادیں کہ بی جے پی کے کشمیر انچارج سنیل شرما نے جمعرات کو میڈیا کو بتایا کہ وزیر داخلہ کا دورہ کشمیر غیر سیاسی دورہ ہے ۔
شرما کا کہنا تھا’’ووٹر ٹرن آؤٹ کو اور بڑھایا جائے اور امن و شانتی کا ماحول دیا جائے مجھے لگتا ہے کہ وزیر داخلہ صاحب اس کا جائزہ لینے کے لئے آج یہاں آ رہے ہیں۔‘‘