ایل جی کی زیادہ رائے دہندگان کی تعداد پر عوام اور متعلقین کو مبارکباد

سرینگر//
لیفٹیننٹ گورنر‘منوج سنہا نے سرینگر پارلیمانی حلقہ میں زیادہ رائے دہندگان کی تعداد پر عوام اور تمام اسٹیک ہولڈرز کو مبارکباد پیش کی ہے۔
ایک ٹویٹ میں لیفٹیننٹ گورنر نے کہا’’آج سرینگر پارلیمانی حلقہ میں عوام بڑی تعداد میں ووٹ ڈالنے کے لئے باہر نکلے اور جمہوریت اور آئین پر اپنے اعتماد کا اعادہ کیا۔ میں آزادانہ، منصفانہ، پرامن اور پرامن طریقے سے پولنگ کے انعقاد کے لئے تمام اسٹیک ہولڈرز کی سخت محنت کو سراہتا ہوں‘‘۔
ایل جی نے پوسٹ میں مزید کہا’’جمہوریت کے سب سے بڑے تہوار میں ووٹنگ فیصد میں زبردست اضافہ دیکھ کر خوشی ہوتی ہے۔ میں رائے دہندگان کے جوش و خروش کو سراہتا ہوں اور اگلے دو مرحلوں میں تاریخی ٹرن آؤٹ دیکھنے کے لئے پرامید ہوں۔ میں سبھی سے اپیل کرتا ہوں کہ وہ بلا خوف و خطر ووٹ دیں اور ذمہ داری اور فخر کے ساتھ ووٹ دیں۔‘‘