۳۷۰ ہٹائے جانے سے متعلق نظرثانی درخواست پر یکم مئی کو سماعت

نئی دہلی//
جموں و کشمیر کو خصوصی درجہ دینے والے آرٹیکل۳۷۰کی منسوخی سے متعلق سپریم کورٹ آف انڈیا میں نظر ثانی کی درخواست دائر کی گئی ہے۔
سپریم کورٹ، جس نے پہلے اس آئینی شق کو منسوخ کرنے کے مرکزی حکومت کے فیصلے کے جواز کو برقرار رکھا تھا، یکم مئی کو اس معاملے کی دوبارہ سماعت کرنے والا ہے۔
یاد رہے کہ عدالت عظمیٰ نے گزشتہ سال دسمبر میں دفعہ ۳۷۰ کی منسوخی کو برقرار رکھتے ہوئے مرکزی حکومت کو ہدایت دی تھی کہ وہ جموں کشمیر میں امسال ستمبر کے آخر تک اسمبلی انتخابات کا انعقاد یقینی بنائے ۔
جائزہ درخواست پی ڈی پی‘ سی پی آئی(ایم)‘عوامی نیشنل کانفرنس اور جموں کشمری پیپلز مومنٹ نے دائر کی ہے۔