پہلے مرحلے میں۱۰۲حلقوں میں کل ووٹنگ ہوگی

نئی دہلی/۱۸اپریل
عام انتخابات کے پہلے مرحلے میں ۱۲ریاستوں اور مرکز کے زیر انتظام علاقوں کی ۲۰۱پارلیمانی نشستوں کے لیے جمعہ کی صبح۷بجے ووٹنگ شروع ہوگی۔ جس کے لیے انتخابی اہلکاروں کو پولنگ اسٹیشنز پر بھیج دیا گیا ہے ۔
پہلے مرحلے میں لوک سبھا کے ساتھ ساتھ اروناچل پردیش اور سکم اسمبلی کی کل ۹۲سیٹوں کے لیے بھی ووٹنگ ہوگی۔
الیکشن کمیشن نے منصفانہ اور پرامن انتخابات کے انعقاد کے لیے سکیورٹی کے وسیع انتظامات کیے ہیں اور بزرگ اور معذور ووٹرز کی سہولت کے لیے خصوصی انتظامات کیے گئے ہیں۔
لوک سبھا انتخابات کے پہلے مرحلے میں 16.63 کروڑ ووٹر 1605 امیدواروں کے انتخابی مستقبل کا فیصلہ کریں گے جن میں مرکزی وزراءنتن گڈکری، کرن رجیجو، ،ارجن رام میگھوال، کل آٹھ مرکزی وزرائ، دو سابق وزرائے اعلیٰ اور ایک سابق گورنر شامل ہیں۔
کمیشن کی جانب سے جمعرات کو جاری کردہ ریلیز کے مطابق کل صبح 7 بجے سے شام 6 بجے تک ووٹنگ ہوگی۔ کمیشن کے مطابق ووٹنگ کے اوقات پارلیمانی حلقوں کے لحاظ سے بھی مختلف ہو سکتے ہیں۔ اس کے لیے انتخابی عہدیداروں کی ٹیمیں ای وی ایم مشینوں کے ساتھ تمام پولنگ اسٹیشنوں پر بھیج دی گئی ہیں۔
چیف الیکشن کمشنر راجیو کمار نے عام انتخابات 2024 کے پہلے مرحلے کے ووٹنگ کے دن کے موقع پر ملک کے 97 کروڑ ووٹروں کے نام ایک پیغام میں کہاکہ’اپنا ووٹ ڈالیں‘ اور’انتخابات کے تہوار‘کے جشن میں حصہ لیں۔
الیکشن کمیشن نے اس بات کو یقینی بنانے کے لیے اپنے عزم کا اعادہ کیا ہے کہ انتخابات آزادانہ، منصفانہ اور پرامن شرکت کے ساتھ اور فتنہ انگیزیوں سے پاک ہوں۔ کمیشن گزشتہ دو سال سے ان انتخابات کی تیاری کر رہا ہے ۔
چیف الیکشن کمشنر کمار اور الیکشن کمشنرس گیانش کمار اور مسٹر سکھبیر سنگھ سندھو نے انتخابات کی تیاریوں کو حتمی شکل دی۔
پہلے مرحلے میں ووٹ ڈالنے کے اہل 16.63 کروڑ ووٹرز میں سے 8.4 کروڑ مرد، 8.23 کروڑ خواتین اور 11,371 ٹرانس جینڈر ووٹر ہیں۔ 35.67 لاکھ پہلی بار ووٹ ڈالنے کے لیے رجسٹرڈ ہیں۔ اس کے علاوہ 20-29 سال کی عمر کے 3.51 کروڑ نوجوان ووٹر ہیں۔ پہلے مرحلے میں 625 امیدواروں نے الیکشن لڑا ہے جن میں سے 1491 مرد اور 134 خواتین امیدوار ہیں۔