’ پورے جموںکشمیر میں کنول کا پھول کھل جائے گا‘

سرینگر//
بی جے پی جموں و کشمیر یونٹ کے صدر رویندر رینا کا کہنا ہے کہ جس طرح ڈل جھیل میں کنول کا پھول کھلتا ہے اسی طرح جموں وکشمیر میں بھی بی جے پی کا کنول کھلے گا۔
رینا نے کہا کہ بی جے پی کے امید وار یونین ٹریٹری کے تمام پانچوں نشستوں پر انتخابات لڑیں گے ۔
یونٹ صدر نے ان باتوں کا اظہارآج جنوبی کشمیر کے ضلع اننت ناگ کے بجبہاڑہ علاقے میں پارٹی لیڈر صوفی یوسف کے گھر پر تعزیتی مجلس میں شرکت کرنے کے بعد نامہ نگاروں کے ساتھ بات کرنے کے دوران کیا۔
رینانے کہا’’ملک میں لوک سبھا انتخابات کا بگل بج چکا ہے اور ملک بھر کی طرح جموں وکشمیر میں بھی سیاسی ہل چل تیز ہوگئی ہے ‘‘۔ان کا کہنا تھا کہ بے بی جے پی کے امید وار یونین ٹریٹری کے تمام پانچوں نشستوں پر انتخابات لڑیں گے ۔
بی جے پی کے یونٹ صدر نے کہا کہ جو غریبوں کی بہبودی، امن اور ترقی و خوشحالی کا کام مودی جی نے کیا ہے اس کو دیکھ کر نہ صرف وادی کے لوگ بلکہ جموں کے لوگ بھی بی جے پی کو ووٹ دے کر کامیاب کریں گی۔انہوں نے کہا کہ جموں وکشمیر میں لوک سبھا انتخابات میں بی جے پی کی جیت یقینی ہے ۔
رینا کا کہنا تھا’’جس طرح ڈل جھیل میں کنول کا پھول کھلتا ہے ہم چاہتے ہیں کہ اسی طرح پورے جموں و کشمیر میں بی جے پی کا کنول کھل جائے ۔‘‘