۴فضائیہ اہلکاروں کی ہلاکت:یاسین ملک کی قتل کے پیچھے شوٹر کے طور پر شناخت

جموں/18 جنوری
سی بی آئی کی خصوصی عدالت میں ایک اہم عینی شاہد نے جمعرات کو جموں وکشمیر لبریشن فرنٹ کے سربراہ یاسین ملک کی شناخت 1990 میں سرینگر میں ہندوستانی فضائیہ کے جوانوں پر فائرنگ کرنے والے مرکزی شوٹر کے طور پر کی۔
واضح رہے کہ 25 جنوری 1990 کو سری نگر کے مضافاتی علاقے راول پورہ میں ایک اسکواڈرن لیڈر سمیت چار آئی اے ایف اہلکار ہلاک اور 22 زخمی ہوگئے تھے۔
آئی اے ایف کے سابق ملازم اور استغاثہ کے گواہ ‘راجوار امیشوار سنگھ نے ملک کی شناخت کی جسے دہلی کی تہاڑ جیل سے ویڈیو کے ذریعے عدالت میں پیش کیا گیا جہاں وہ کئی سالوں سے قید ہے۔
سی بی آئی کی سینئر پبلک پراسیکیوٹر مونیکا کوہلی نے کہا کہ”اس معاملے میں یہ ایک اہم پیش رفت ہے…. استغاثہ کے گواہ نے ملک کی شناخت فائرنگ کے پیچھے موجود شخص کے طور پر کی ہے۔“ (ایجنسیاں)