سات روز بعد راجوری پونچھ اضلاع میں موبائل انٹر نیٹ خدمات بحال

سرینگر/ 29 دسمبر
حکام نے ایک دہشت گردانہ حملے کے سات دن بعد پونچھ اور راجوری اضلاع میں انٹرنیٹ خدمات بحال کر دی ہیں جس میں چار فوجی اہلکار ہلاک ہو گئے تھے۔
عہدیداروں نے بتایا کہ حکام نے آج سہ پہر خدمات کو بحال کرنے کی ہدایت کی۔
جڑواں اضلاع میں تقریباً ایک ہفتے سے جاری حالات کے پیش نظر احتیاطی تدابیر کے طور پر خدمات کو بند کر دیا گیا تھا۔
وہیں ڈھیرہ کی گلی اور بفلیاز سڑک رابط بھی متواتر آٹھویں دن گاڑیوں کی آمدورفت کے لئے بند ہے ۔ ڈھیرہ کی گلی کے ساتھ ساتھ دیگر جنگلی علاقوں میں بھی بڑے پیمانے پر سرچ آپریشن جاری ہے ۔