سرینگر/ 17 نومبر
جنوبی کشمیر کے کولگام ضلع میں پولیس اور سیکورٹی فورسز کے ساتھ گولی باری میں پانچ دہشت گرد مارے گئے۔
’ایکس ‘پر ایک پولیس ترجمان نے کہا”کولگام اپڈیٹ : کولگام پولیس، فوج اور سی آر پی ایف کے ذریعہ پانچ دہشت گردوں کو ہلاک کردیا گیا۔ آپریشن آخری مرحلے میں؛ علاقے کو صاف کیا جا رہا ہے“۔
ہلاک ہونے والے دہشت گردوں کی شناخت کے بارے میں فوری طور پر کچھ نہیں بتایا گیا۔
قبل ازیں ایک اہلکار نے بتایا کہ رات کے لیے معطل رہنے کے بعد آج صبح آپریشن دوبارہ شروع کیا گیا۔
اہلکار نے کہا کہ علاقے میں دہشت گردوں کی موجودگی سے متعلق مخصوص اطلاعات کے بعد پولیس، فوج اور سی آر پی ایف نے مشترکہ طور پر آپریشن شروع کیا تھا۔
جمعرات کی شام پولیس اور فوج کی مشترکہ ٹیم نے علاقے کو گھیرے میں لے کر تلاشی مہم شروع کی تھی۔
ترجمان نے کہا کہ جب فورسز کی مشترکہ ٹیم نے مشتبہ مقام کی طرف صفر کیا تو چھپے ہوئے جنگجوو¿ں نے مشترکہ ٹیم پر فائرنگ کی، جس کا جوابی کارروائی کی گئی، جس کے بعد تصادم شروع ہوگیا۔
احتیاطی تدابیر کے پیش نظر علاقے میں اندھیرے کے باعث آپریشن معطل کیا گیا تھا اور آج صبح پہلی روشنی میں دوبارہ شروع کیا گیا۔
