سرینگر/۹نومبر
جنوبی کشمیر کے ضلع شوپیاں کو صوبہ جموں کے پونچھ اور راجوری اضلاع کے ساتھ جوڑنے والے تاریخی مغل روڈ پر تازہ برف باری کے بعد پھسلن پیدا ہونے کی وجہ سے ٹریفک کی نقل وحمل کو روک دیا گیا۔
اطلاعات کے مطابق جنوبی کشمیر کے ضلع شوپیاں کو صوبہ جموں کے پونچھ اور راجوری اضلاع کے ساتھ جوڑنے والے تاریخی مغل روڈ پر جمعرات کی سہ پہر سے جاری برف باری کے باعث ٹریفک کی نقل وحمل متاثر رہی۔
معلوم ہوا ہے کہ مغل شاہراہ پر رک رک کر برف و باراں کا سلسلہ جاری ہے جس وجہ سے شاہراہ پر پھسلن پیدا ہوئی ہے ۔حکام نے لوگوں سے اپیل کی ہے کہ وہ بحالی کا کام مکمل ہونے سے قبل مغل روڈ ہر سفر کرنے سے اجتناب کریں۔
دریں اثنامحکمہ موسمیات نے کہا کہ جموں و کشمیر میں جمعرات شام سے بارش اور برف باری شروع ہوگی۔تاہم محکمہ موسمیات نے واضح کیا ہے برف باری جنوبی کشمیر کے کولگام اور شوپیان اور کولگام کے پہاڑی علاقوں میں ہونے کی امید ہے جبکہ میدانی علاقوں میں بارشوں کا امکان تاہم کسی بڑی تبدیلی کا کوئی امکان نہیں ہے ۔
محکمہ کے ایک اہلکار نے بتایا کہ فی الحال، موسم عام طور پر ابر آلود ہے اور چند مقامات پر ہلکی بارش کے ساتھ ابر آلود ہے۔انہوں نے بتایاکہ جمعرات کی شام سے بالائی علاقوں میں ہلکی برف باری ہوگی جبکہ میدانی علاقوں میں بارشوں کا امکان ہے انہوں نے بتایا کہ رازدان پاس، سادھنا پاس، سنتھن پاس، زوجیلا اور مغل روڈ، اور جنوبی اور وسطی کشمیر کے چند درمیانی علاقوں میں ہلکی برفباری ہو گی۔
اہلکار نے کہا کہ کل، صبح کے اوقات میں بکھرے ہوئے مقامات پر ہلکی بارش/برف کے ساتھ موسم عام طور پر ابر آلود رہے گا اور دوپہر میں اس کے بعد بہتری آئے گی۔اس مدت کے دوران، اونچائی تک سطح کی نقل و حمل میں عارضی خلل پڑنے کا امکان ہے۔ انہوں نے کہا کہ ۱۱سے۱۸نومبر تک موسم دوبارہ خشک رہے گا۔
