بی ایس سی نرسنگ کے طلبا کا سرینگر میں احتجاج

سرینگر//
بی ایس سی نرسنگ کے طلبا نے ہفتے کو یہاں پریس کالونی میں جمع ہوکر کونسلنگ میں تاخیر کے معاملے کو لے کر احتجاج درج کیا۔
احتجاجی طلبا نے ہاتھوں میں پلے کارڈس اٹھا رکھے تھے اور وہ جم کر نعرہ بازی کر رہے تھے ۔
اس موقع پر ایک طالبہ نے میڈیا کے ساتھ بات کرتے ہوئے کہا کہ ہماری کونسلنگ کا دوسرا روائونڈ نہیں کیا جا رہا ہے ۔
طالبہ نے کہا کہ آئی این سی ہم نے کہہ رہا ہے کہ ہم کونسلنگ کیلئے مقررہ تاریخ میں توسیع نہیں کر سکتے ہیں۔ان کا الزام تھا کہ بی او پی ای ای ہمارے لئے کچھ میں نہیں کر رہا ہے ۔
طالبہ نے کہا کہ جو ہمارا سلیکشن لسٹ آیا اس میں کچھ کو کالج ملے ہیں جبکہ کئی ایسے ہیں جن کو کالج نہیں ملا ہے ۔
ایک اور طالب علم نے کہا کہ سال رواں کے۱۱جون کو ہمارا امتحان لیا گیا لیکن تب سے کافی گذرنے کے باوجود بھی ہماری کونسلنگ کا دوسرا رائونڈ نہیں کیا جا رہا ہے ۔
موصوفہ نے کہا کہ ماری کونسلنگ کا دوسرا رائونڈ کیا جانا چاہئے تاکہ ہمارا مستقبل خطرے میں نہ پڑ سکے ۔