سرینگر/۸اگست
جموںکشمیر کے چیف سیکریٹری‘ ڈاکٹرارون کمار مہتا کا کہنا ہے کہ سری نگر ملک کے خوبصورت ترین شہروں میں سے ایک شہر بنے گا۔
ڈاکٹرمہتا نے کہا کہ سمارٹ سٹی پروجیکٹ کے تحت بہت سارے کام مکمل ہوئے ہیں او باقی کام بھی مکمل ہو رہے ہیں۔
چیف سیکریٹری نے ان باتوں کا اظہار منگل کو یہاں نامہ نگاروں کے سوالوں کے جواب دینے کے دوران کیا۔
سمارٹ سٹی پروجیکٹ کے تحت جاری کاموں کے متعلق پوچھے جانے پر انہوں نے کہا”اس پروجیکٹ کے بہت سارے کام مکمل ہوئے ہیں، جی ٹونٹی سر براہی اجلاس سے پہلے ہی کئی کام مکمل ہوئے ہیں“۔
چیف سیکریٹری کا کہنا تھا” لالچوک جس کو سرینگر سکوائر یا سرینگر پلازہ کا نام بھی دیتے ہیں‘کا کام ، گھنٹہ گھر اور جھیل ڈل کے کنارے پر سائیکل ٹریک بھی یوم آزادی سے پہلے ہی مکمل ہوں گے“۔
ڈاکٹر مہتا نے کہا کہ سری نگر ملک کے سب سے خوبصورت شہروں میں سے ایک شہر بن جائے گا۔
چیف سیکریٹری نے کہا”وزیر اعظم نریندر مودی جی نے جو پنچ پرن کا منترا دیا اس میں یہ پیغام ہے کہ ملک اور جموں وکشمیر کو ترقی یافتہ بنایا ہے “۔
ان کا کہنا تھا”ہمیں غلامی سے باہر نکلنا ہے اور ہمیں اپنی روایات پر فخر ہونا چاہئے “۔
یوم آزادی کی تیاریوں کے بارے میں چیف سیکریٹری نے کہا”اچھا جشن ہوگا، تمام تر تیاریاں کی
گئی ہیں“۔
